ԼՈՒՐԵՐ: Թվեր և փաստեր Հայաստանից
Վերջին սերնդի Lumenis ընկերության AcuPulse CO2 ֆրակցիոն լազերը «Նաիրի» բժշկական կենտրոնում
Նորագոյացությունների հեռացում` լազերի կիրառմամբ
«Նաիրի» բժշկական կենտրոն դիմում են բազմաթիվ պացիենտներ, որոնք ունեն մաշկի հետ կապված խնդիրներ՝ նորագոյացությունների առկայություն (պապիլոմա, գորտնուկ, ակնե, պոստակնե սպիներ, մաշկի (հատկապես դեմքի շրջանի) տարիքային փոփոխություններ՝ մակերեսային և խորը կնճիռներ: Այդ բոլոր խնդիրների լուծումը պլաստիկ վերականգնողական և էսթետիկ վիրաբուժության ծառայությունն առաջարկում է իրականացնել՝ օգտագործելով լազերային միջամտություն: Ներկայում կիրառվում է վերջին սերնդի Lumenis ընկերության AcuPulse CO2 ֆրակցիոն լազեր, որի միջոցով վերոնշյալ խնդիրների լուծումն առավել արդյունավետ է:
Լազերի միջոցով հնարավոր է հեռացնել բավականին մեծ խումբ նորագոյացություններ, այդ թվում՝ խալեր, պապիլոմաներ, գորտնուկներ, բնածին կամ կյանքի ընթացքում առաջացած գոյացություններ, որոնք հաճախ դժվար հասանելի տեղերում են: Իրականացվում է նաև մաշկային պիգմենտների հեռացում:
Լազերի կիրառումը բավականին արդյունավետ է, որի պարագայում հետվիրահատական շրջանն առավել կարճատև է, բարդությունները նվազագույն են (բացակայում է արյունահոսությունը, վերքերի ապաքինումն ընթանում է արագ, պացիենտը միջամտության վրա նվազագույն ժամանակ է ծախսում):
Նախքան վիրահատությունը պացիենտը դիմում է բժշկին, իրականացվում է նախավիրահատական զննում դերմատոսկոպիայի միջոցով, եթե առկա է գոյացության չարորակ բնույթը ժխտելու անհրաժեշտություն: Հաջորդիվ` լազերի օգնությամբ իրականացվում է գոյացության հեռացում:
Գոյացության հեռացումը տևում է մի քանի րոպե, որին հաջորդում է կարճատև հետվիրահատական շրջան, որի ժամանակ հիվանդը պարտադրված չէ մնալ կլինիկայում: Միջամտությունից անմիջապես հետո՝ 5-10 րոպե անց, նա կարող է վերադառնալ անգամ իր սովորական աշխատանքային պայմաններին: Այդ շրջանում համապատասխան քսուկների օգտագործման արդյունքում գոյացության հեռացման տեղը դառնում է համարյա աննկատ (մաշկի աննշան գունային տարբերություն):
Լազերային այս մեթոդը չունի հակացուցումներ և տարիքային սահմանափակում:
Բոլոր պացիենտները կարող են դիմել «Նաիրի» ԲԿ պլաստիկ վերականգնողական և էսթետիկ վիրաբուժության ծառայություն` նախապես գրանցվելով․ +374 10 53 75 00; 8 900; 8 999:
Մաշկի երիտասարդացում լազերի օգնությամբ
Վերջին տարիներին «Նաիրի» ԲԿ պլաստիկ վերականգնողական և էսթետիկ վիրաբուժության ծառայություն դիմող բազմաթիվ պացիենտներ ցանկանում են լուծել մաշկի տարիքային փոփոխությունների հետ կապված խնդիրները` ոչ վիրահատական եղանակով, այսինքն, ոչ ձգումների միջոցով: Մաշկի երիտասարդացման նման հնարավորություն ընձեռում են լազերային ֆրակցիոն մեթոդները:
Վերոնշալ նպատակով կիրառվում է վերջին սերնդի Lumenis ընկերության ամենավերջին սերնդի լազերներից` AcuPulse CO2 ֆրակցիոն լազերը:
Սովորաբար, լազերային աբլատիվ և ֆրակցիոն մեթոդներով իրականացվում է մաշկի և՛ խորանիստ, և՛ մակերեսային երիտասարդացում: AcuPulse CO2 ֆրակցիոն լազերի օգնությամբ համատեղվում է երկու ֆունկցիան և կոմboպոլ հատուկ ռեժիմի շնորհիվ հնարավոր է նույն օրը կատարել երկուսը միասին`առանց հիվանդին հավելյալ ցավ պատճառելու: Կրճատվում է նաև հետմիջամտային շրջանը:
Լազերի ամենակարևոր առավելություններից է վերքի արագ լավացումը, որը պայմանավորված է սարքի սուպերիմպուլսային հաճախականությամբ, այսինքն, իմպուլսը փոխանցվում է շատ կարճատև ժամանակահատվածում և չի առաջացնում շրջակա մաշկի այրում, ինչի արդյունքում երիտասարդացման միջամտության ժամանակ առաջացած վերքերը լավանում են բավականին արագ:
Լազերից հետո առաջանում է փոքր կնճիռների ակնհայտ ձգում, մեծ կնճիռների փոքրացում, ինչպես նաև պիգմենտների վերացում և երիտասարդացման այլ հատկանիշներ:
Լազերի կիրառմամբ բոլոր երիտասարդացման միջամտություններն իրականացվում են տեղային՝ ապլիկացիոն անզգայացման միջոցով: Միջամտությունից 30-40 րոպե առաջ հատուկ քսուկ է օգտագործվում մաշկի այն հատվածի վրա, որտեղ պետք է կատարվի միջամտությունը: Պացիենտը նախապես չի հետազոտվում, քանի որ լազերային ֆրակցիոն հղկումների համար հատուկ նախապատրաստում չի ենթադրում:
Ֆրակցիոն բոլոր միջամտությունները տևում են 10-20 րոպե: Միջամտությունից անմիջապես հետո պացիենտը կարող է տուն գնալ: Նշանակվում են քսուկներ` կիրառելու տան պայմաններում, իսկ մեկ շաբաթ անց կարելի է վերադառնալ նորմալ աշխատանքային պայմաններին:
Լազերային միջամտություններից հետո պարտադիր է, որ առաջին օրերին պացիենտը խուսափի արևի ուղիղ ճառագայթներից, կիրառի նշանակված քսուկները, որոնք արագացնում են ապաքինումը: 4-8 շաբաթվա անց մաշկի երիտասարդացումն ակնհայտ է:
Հարցերին պատասխանեց «Նաիրի» բժշկական կենտրոնի
պլաստիկ վիրաբույժ Աննա Սարգսյանը։
Կարդացեք նաև
«Որակն առողջության գրավականն է» խորագրով միջոցառումն առիթ էր գնահատելու բուժքույրերի, մանկաբարձների, դեղագետների, ինչպես նաև երկար տարիներ...
Սույն թվականի մարտ ամսին «Արմենիա» ՀԲԿ վիրաբուժական բաժանմունք էր ընդունվել 32-ամյա տղամարդ՝ պարանոցի առաջային մակերեսի ուռուցքանման գոյացության կապակցությամբ...
Սմարթֆոններով անդադար թերթվող տեղեկատվությունը, արտաքին գործոնները բացասաբար են ազդում մեր հիշողության և ուշադրության կենտրոնացման վրա...
«Ավան» հոգեկան առողջության կենտրոնում բացվեց վերանորոգված ու վերազինված արտահիվանդանոցային բաժանմունքը...
Գիտական խորհրդի հերթական նիստն անցկացվեց ապրիլի 30-ին: Առանցքում էր Կլինիկական աշխատանքների գծով պրոռեկտոր Արմեն Մինասյանի տարեկան հաշվետվությունը...
«Նաիրի» բժշկական կենտրոնի վիրաբույժներին հաջողվել է լապարոսկոպիկ եղանակով հեռացնել փայծաղային զարկերակի մեծ անևրիզմը՝ պահպանելով պացիենտի փայծաղը...
Իմունականխարգելման եվրոպական շաբաթվա շրջանակում ԵՊԲՀ-ում Առողջապահության համաշխարհային կազմակերպության մասնակցությամբ և Կարիերայի կենտրոնի...
Առողջապահական ծառայությունների որակի բարելավման ռազմավարական փորձարարական ծրագիրն արդեն ներդրվել է հանրապետության մի քանի բժշկական կենտրոնում...
Երևանում մեկնարկել են «Հայաստանյան արագ արձագանքման բժշկական թիմի» (ՀԱԱԲԹ) 15-օրյա վերապատրաստման դասընթացները...
Ապրիլի 16-ին Մոր և մանկան առողջության պահպանման գիտահետազոտական կենտրոնում տեղի ունեցավ «Շարակցական հյուսվածքի համակարգային հիվանդություններ...
Երևանի 7 վարչական շրջանում մեկնարկել է «Ավագ սերնդի շրջանում ֆիզիկական ակտիվության խթանման» հանրային արշավը...
Նկարում Սերինեն է, ծնվելուց հետո 90 օր գտնվել է Էրեբունի ծննդատան նորածնային բաժանմունքում: Նա ծնվել է հղիության 25-րդ շաբաթում...
«Էրեբունին» հանրապետությունում որպես խոշոր, բազմապրոֆիլ և առաջատար բժշկական կենտրոն մշտապես արդիականացվում է, վերազինվում գերժամանակակից սարքավորումներով...
«Էրեբունի» բժշկական կենտրոնի վերակենդանացման բաժանմունք էր ընդունվել ծայրահեղ ծանր վիճակում, կրիտիկական ցուցանիշներով՝ գրեթե անգիտակից, բարձր ջերմությամբ...
ԱՄԵՆԱԸՆԹԵՐՑՎԱԾ ՀՈԴՎԱԾՆԵՐԸ
- Ժողովրդական դեղամիջոցներ
- Հղիություն. 4-րդ ամիս
- Հղիություն. 7-րդ ամիս
- Կոճապղպեղ նույնն է՝ իմբիր, Ginger եւ Zingiber Officinale
- Հղիություն. 6-րդ ամիս
- «Արագիլ» հիմնադրամը ստեղծված է՝ օգնելու անպտղությամբ տառապող զույգերին. Կարինե Թոխունց
- Հղիություն. 2-րդ ամիս
- 4-7 ամսական երեխաների սնուցումը
- Ամուսնական առաջին գիշերը
- Ընկերության մասին
- Ինչպես ազատվել անցանկալի մազերից
- Խնձորը` պզուկների դեմ. ազատվիր նրանցից 1 գիշերվա ընթացքում
- Պարզվում է ապագա երեխայի սեռը կախված է մայրիկի սնունդից
- Դդում
- Կոճապղպեղ՝ նիհարելու համար (կոճապղպեղի թեյ)
- Հիվանդություն, որը փոխում է մեր կյանքը` կրծագեղձի քաղցկեղ
- Սեռական գրգռում
- Արգանդի միոմա. նախանշանները, պատճառներն ու բուժումը
- Երիցուկ դեղատնային - Ромашка аптечная - Matricaria chamomilla L.
- Չիչխանի օգտակար հատկությունները
- Քարավուզ (նույն ինքը՝ նեխուր)
- Ինչպես ազատվել բերանի վատ հոտից`պարզ միջոց
- Դիմակներ` մազերի համար
- Հղիություն. 1-ին ամիս
- Կրծքի ցավե՞ր ունեք. ինչ անել
- Ընդհանուր տեղեկություններ մարմնի համակարգերի մասին
- Ընտրություն ըստ հորոսկոպի
- Հիվանդություն, որի համար պետք չէ ամաչել (թութք)
- Հեշտոցային արտադրության պատճառները. մասնագետի անդրադարձը
- Բերանի խոռոչի լորձաթաղանթի ախտահարումը սովորական բշտախտի ժամանակ (սկիզբը` նախորդ համարում)
- Հղիությունը և նախապատրաստվելը դրան
- Խոսենք այդ մասին. ձեռնաշարժություն
- Երբ գլխացավն ախտանիշ է: Հանճարեղ և օժտված մարդկանց հիվանդություն
- Լեղաքարային հիվանդություն. բուժման մեթոդները
- Սեռական թուլության առաջին նախանշանները. news.am
- Էկզեմայի տեսակները և բուժումը
- Ուլտրաձայնային դոպլերոգրաֆիա (երկակի (դուպլեքս) անոթների)
- ՈւՆԱԲԻ: Արևելյան բժշկության գաղտնիքները
- Իրիդիոսքրինինգ
- Գամմա-դանակը նշտարի փոխարեն